Anna Danılına US Open týrnırin jeńispen bastady

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 48-raketkasy Anna Danılına AQSh ashyq chempıonatynyń ekinshi aınalymyna shyqty.</p>

Qazaqstandyq tennısshi reseılik Irına Hromachevamen birge bastapqy kezdesýin amerıkalyqtar Katerına Grant – Iva Iovıchpen ótkizdi. Tartysty órbigen birinshi partııada qazaqstandyq-reseılik jup taı-breıkte ábjildik tanytty – 7:6 (8:6).

Ekinshisinde amerıkalyq dýet ese qaıyrdy – 7:5. Úshinshi, sheshýshi sette Danılına – Hromacheva jeńisti julyp aldy – 6:2.

Eki saǵat 20 mınýtqa sozylǵan báseke barysynda Anna men Irına 2 eıspen birge 11 breık-poınttyń altaýyn óz esepterine jazdy. Eıs jasamaǵan amerıkalyqtar 12 breık-poınttyń beseýin paıdalandy.

Bıylǵy mamyrdan beri birge oınap kele jatqan Anna Danılına – Irına Hromacheva 1/8 fınalǵa shyǵý úshin AQSh chempıonatynyń 4-raketkalary, amerıkalyqtar Kerolaın Doýlhaıd – Dezaırı Kravchýkpen talasady.

A.Danılına fınlıandııalyq Harrı Helıovaaramen birge aralas jupta da óner kórsetedi. Olar alǵashqy aınalymda jarystyń 1-raketkalary, kanadalyq Gabrıela Dabrovskı – ulybrıtanııalyq Djo Solsberımen sheberlik baıqasady.

Eske sala keteıik, budan buryn AQSh ashyq chempıonatynda ıÝlııa Pýtıntsevanyń qytaılyq qarsylasyn jeńip, úshinshi aınalymǵa shyqqany jazǵan bolatynbyz.

Elena Rybakına US Open týrnırinen nege bas tartqanyn túsindirdi.