Anna Danılına Ýımbldonda jeńilip qaldy

ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Ýımbldon týrnıriniń ekinshi aınalymyna shyǵa almady, dep habarlaıdy QazAqparat tilshisi.

«Úlken dýlyǵa» jarysynyń 11-raketkasy bolyp tirkelgen qazaqstandyq tennısshi qytaılyq Sıýı Ifanmen birge bastapqy kezdesýin ulybrıtanııalyq Neıkta Beıns – Maııa Lıýmsdenmen ótkizdi.

Birinshi partııada qazaqstandyq-qytaılyq jup 6:3 esebimen basymdylyq tanytty.

Ekinshisinde ulybrıtanııalyq dýet taı-breıkte ese qaıyrdy – 7:6 (7:3).

Úshinshi, sheshýshi sette match taǵdyry taı-breıkte sheshildi. Munda qazaqstandyq-qytaılyq jup áýeli 4:1 esebimen alǵa ketkenimen, sony paıdalana almady – 6:7 (9:11).

Eki saǵat 45 mınýtqa sozylǵan tartysty báseke barysynda Anna men Sıýı 1 eıspen birge 6 breık-poınttyń úsheýin múlt jibergen joq.

Qarsylastary 3 eıs, 1 breıkpen (5 breık-poınt) kózge tústi.

Ulybrıtanııalyqtar 1/8 fınalǵa shyǵý úshin Polsha ókili Magda Lınett – amerıkalyq Bernarda Pera nemese taǵy bir amerıkalyq Shelbı Rodjers – belgııalyq ıAnına Vıkmaıer juptarynyń qaı jeńgenimen talasady.

Eske sala keteıik, budan buryn Ýımbldonda Elena Rybakınanyń ekinshi qarsylasy anyqtalǵanyn jazǵan bolatynbyz.

Sondaı-aq úsh qazaqstandyq jas tennısshi Tegerandaǵy týrnırdiń shırek fınalyna ótti.

Ýımbldonda Aleksandr Býblık úshinshi aınalymǵa joldama aldy.