ASTANA. KAZINFORM – Qazaqstannyń juptyq syndaǵy birinshi, álemniń 8-raketkasy Anna Danılına Ýımbldon týrnıriniń ekinshi aınalymyna shyqty.
Qazaqstandyq tennısshi chehııalyq Marı Boýzkovamen birge osynyń aldynda Istbýrn (Ulybrıtanııa) WTA 250 jarysynda jeńimpaz atanǵan edi. Bul joly olarǵa Polsha ókili Katarjına Pıter – mysyrlyq Maıar Sherıf tap keldi.
Birinshi partııa barysynda qarsylastar breık almasty. Esep 4:3 bolǵanda, Danılına – Boýzkova breık jasap, óz geımin de qur jibergen joq – 6:3.
Ekinshi sette esep 3:3 bolǵan mezette Danılına sátti soqqy jasap, breıkke jol ashty. Aqyry qazaqstandyq-chehııalyq dýet matchty taǵy bir breıkpen túıindedi – 6:3.
Bir saǵat 13 mınýtqa sozylǵan básekede Danılına – Boýzkova 1 eıspen birge 9 breık-poınttyń tórteýin paıdalandy. Pıter – Sherıf 1 eıs, 1 breıkten (2 breık-poınt) asa almady.
A.Danılına – M.Boýzkovanyń kelesi qarsylastary keıin belgili bolady.
Eske sala keteıik, budan buryn qazaqstandyq tennısshiniń Qytaıdaǵy týrnırde bir kúnde eki jeńiske qol jetkizgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).