Anna Danılına Ýımbldon týrnıriniń shırek fınalyna ótti

ASTANA. QazAqparat – Qazaqstandyq Anna Danılına aralas synda Ýımbldon týrnıriniń shırek fınalyna ótti, dep habarlaıdy QazAqparat tilshisi.

Qazaqstandyq tennısshi frantsııalyq Nıkolıa Maıýmen birge ekinshi aınalymda ıtalııalyq Andrea Vavassorı – reseılik Lıýdmıla Samsonovamen sheberlik baıqasty.

Birinshi partııada qazaqstandyq-frantsııalyq jup taı-breıkte sáttirek oınady – 7:6 (7:4).

Ekinshisinde A.Vavassorı – L.Samsonova 6:4 esebimen ese qaıyrdy.

Úshinshi, sheshýshi sette N.Maıý men A.Danılına taı-breıkte jeńisti julyp aldy – 7:6 (10:8). Eki saǵat 15 mınýtqa sozylǵan báseke barysynda olar 8 eıspen erekshelendi. Qarsylastary 9 eıs, 1 breıkpen (4 breık-poınt) kózge tústi.

Anna Danılına – Nıkolıa Maıý jartylaı fınalǵa shyǵý úshin jarystyń 7-raketkalary, horvatııalyq Mate Pavıch – ýkraınalyq Lıýdmıla Kıchenokpen talasady.

Eske sala keteıik, budan buryn Anna Danılınanyń 1/8 fınalǵa shyqqanyn jazǵan bolatynbyz.

Sondaı-aq Elena Rybakınanyń Ýımbldonnyń aldaǵy oıyndaryndaǵy múmkindigine boljam jasaldy.

Elena Rybakına Ýımbldonnyń shırek fınalyna joldama aldy.