Anna Danılına Toronto týrnıriniń ekinshi aınalymyna ótti

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 48-raketkasy Anna Danılına Toronto (Kanada) WTA 1000 týrnırin sátti bastady.</p>

Qazaqstandyq tennısshi chehııalyq Marııa Boýzkovamen birge alǵashqy aınalymda majarstandyq Tımeıa Babosh – ýkraınalyq Nadejda Kıchenoktyń meselin qaıyrdy.

Qazaqstandyq-chehııalyq jup 6:1, 7:5 esebimen jeńiske jetti. Bir saǵat 20 mınýtqa sozylǵan báseke barysynda ekeýi 3 eıspen birge 8 breık-poınttyń teń jartysyn múlt jibermedi. Majarstandyq-ýkraınalyq dýet 4 eıs, 1 breıkti qanaǵat tutty.

Anna Danılına – Marııa Boýzkova iri jarystyń shırek fınalyna shyǵý úshin kanadalyqtar Arıana Arseno – Mııa Kýprespen talasady.

Qazaqstannyń jekeleı syndaǵy birinshi raketkasy Aleksandr Býblık amerıkalyq Ben Sheltonmen birge Monreal (Kanada) masters dodasynyń shırek fınalyna shyǵa almady. Olar ekinshi aınalymda ulybrıtanııalyq Djek Dreıper – ıtalııalyq ıAnnık Sınnerge jol berdi – 6:7 (2:7), 1:6.

Taǵy bir qazaqstandyq, reıtıngide 220-oryndaǵy Beıbit Juqaev Lınkoln (AQSh) chellendjer jarysynyń ekinshi aınalymynda álemniń 134-raketkasy, qytaılyq Bý ıÝnchaoketedan 3:6, 2:6 esebimen utylyp, shırek fınaldan tys qaldy.

Eske sala keteıik, budan buryn Dmıtrıı Popkonyń Kolýmbııadaǵy jarystyń shırek fınalyna shyqqanyn jazǵan edik.