Anna Danılına Rýmynııadaǵy WTA 250 týrnırinde top jardy

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 48-raketkasy Anna Danılına ıAssy (Rýmynııa) WTA 250 týrnıriniń chempıony atandy.</p>

Qazaqstandyq tennısshi reseılik Irına Hromachevamen birge jarystyń 1-raketkalary bolyp tirkelgen edi. Sol ataǵyn aqtaǵan qazaqstandyq-reseılik jup fınalda dodanyń 2-raketkalary, reseılikter Aleksandra Panova – ıAna Sızıkovamen bas júldeni sarapqa saldy.

Birinshi partııada Danılına – Hromacheva breık jasap, esepti 5:3-ke jetkizdi. Budan keıin reseılik dýet qaıyra breık jasady. Degenmen Anna men Irına setti taǵy bir breıkpen túıindedi – 6:4. 

Ekinshi sette qazaqstandyq-reseılik jup 3:0 esebimen alǵa shyqty. Reseılikter esepti qysqartqanymen, Anna Danılına – Irına Hromacheva matchty jeńispen aıaqtady – 6:2. Bir saǵat 17 mınýtqa sozylǵan báseke barysynda ekeýi 13 breık-poınttyń beseýin múlt jibermedi.

Qarsylastary 1 eıs, 2 breıkpen shekteldi.

Eske sala keteıik, budan buryn Elena Rybakınanyń Parıj Olımpıadasynda nege oınamaıtynyn túsindirgenin jazǵan bolatynbyz.

Ámir Omarhanov Astanadaǵy jarystyń jartylaı fınalyna shyqty.