ASTANA. KAZINFORM - Qazaqstannyń juptyq syndaǵy birinshi, álemniń 17-raketkasy Anna Danılına Rolan Garros týrnıriniń fınalynda óner kórsetti.
Qazaqstandyq tennısshi serbııalyq Aleksandra Krýnıchpen birge sońǵy básekede jarystyń 2-raketkalary, ıtalııalyqtar Sara Erranı - Jasmın Paolınımen kezdesti.
Birinshi partııada ıtalııalyq jup 6:4 esebimen basym tústi. Ekinshisinde qazaqstandyq-serbııalyq dýet ese qaıyrdy - 6:2. Sheshýshi, úshinshi sette ıtalııalyqtar des bermedi - 6:1.
Eki saǵat 15 mınýtqa sozylǵan tartysty matchta Danılına - Krýnıch 2 eıspen birge 9 breıktiń úsheýin paıdalandy. Erranı - Paolını 4 breıkpen (13 breık-poınt) kózge tústi. Osylaısha, Anna Danılına Rolan Garrosta sátti óner kórsetip, sporttyq jolynda alǵash ret fınalǵa deıin jetti.
Eske sala keteıik, budan buryn Rolan Garrosta Anna Danılınanyń juptyq synda fınalǵa joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).