ASTANA. KAZINFORM – Qazaqstannyń juptyq syndaǵy birinshi, álemniń 9-raketkasy Anna Danılına Nottıngem (Ulybrıtanııa) WTA 250 týrnıriniń fınalyna shyqty.
Anna Danılına japonııalyq Ena Sıbaharamen birge jartylaı fınalda jarystyń 1-raketkalary, taıbeılik Se Shýveı – qytaılyq Chjan Shýaımen kortta kezdesti.taıbeılik-qytaılyq jup basymdylyq tanytty - 7:5.
Ekinshisinde Danılına - Sıbahara ese qaıyrdy - 6:4. Sodan keıin sýper taı-breıkte jeńisti julyp aldy - 10:4.
Bir saǵat 39 mınýtqa sozylǵan básekede qazaqstandyq-japonııalyq jup 2 eıspen birge 7 breık-poınttyń tórteýin paıdalandy.
Anna Danılına - Ena Sıbahara fınalǵa shyǵý úshin reseılik Irına Hromacheva – majarstandyq Fannı Stollar nemese brazılııalyq Beatrıs Haddad-Maııa – germanııalyq Laýra Zıgemýnd juptarynyń qaı jeńgenimen talasady.
Eske sala keteıik, budan buryn Berlın týrnırinde Rybakınanyń álemniń 1-raketkasyna ese jibergenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).