Anna Danılına Monterreıde negizgi týrnırge joldama aldy

<p>ASTANA. KAZINFORM &mdash;Qazaqstandyq tennısshi Anna Danılına jekeleı synda Monterreı (Meksıka) WTA 500 týrnıriniń irikteý saıysyn sátti ótkizdi.</p>

Dúnıejúzilik reıtıngide 951-satyda turǵan qazaqstandyq tennısshi irikteý saıystarynyń fınalynda álemniń 278-raketkasy, Izraıl ókili Lına Glýshkony joldan taıdyrdy.

Birinshi partııada Danılına 6:3 esebimen basym tústi.

Ekinshi sette esep 3:3 bolǵan mezette Anna breık jasap, sol basymdylyǵynan aıyrylǵan joq – 6:4.

Bir saǵat 20 mınýtqa sozylǵan básekede Danılına 2 eıspen birge 9 breık-poınttyń úsheýin paıdalandy. Glýshko 5 eıs, 1 breıkpen (4 breık-poınt) kózge tústi.

Osylaısha, Anna Danılına Monterreıde negizgi jarysqa joldama aldy. Muny sensatsııalyq nátıje deýge bolady.

Eske sala keteıik, budan buryn ıÝlııa Pýtıntsevanyń Tsıntsınnatıde juptyq synda alǵash ret WTA 1000 týrnıriniń fınalyna shyqqanyn jazǵan bolatynbyz.

Sondaı-aq Anna Danılına Meksıkada irikteý týrnırin sátti bastady.