Anna Danılına Meksıkada fınalǵa bir qadam jetpeı toqtady

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 49-raketkasy Anna Danılına Monterreı (Meksıka) WTA 500 týrnıriniń fınalynan tys qaldy.</p>

Qazaqstandyq tennısshi reseılik Irına Hromachevamen birge jartylaı fınalda jarystyń 1-raketkalary, meksıkalyq Djýlıana Olmos – reseılik Aleksandra Panovamen sheberlik baıqasty.

Qazaqstandyq-reseılik jup matchty jaqsy bastap, birinshi partııada 2:0 esebimen alǵa shyqty. Alaıda Olmos – Panova esepti teńestirip, taı-breıkte sátti oınady – 7:6 (7:3).

Meksıkalyq-reseılik dýet ekinshi sette básekeni jeńispen aıaqtaı bildi – 6:4. 

Bir saǵat 35 mınýtqa sozylǵan kezdesý barysynda Danılına – Hromacheva 1 eıspen birge 4 breık-poınttyń úsheýin paıdalandy. Olmos – Panova 1 eıs, 4 breıkpen (11 breık-poınt) kózge tústi.

Eske sala keteıik, budan buryn Anna Danılınanyń Monterreı týrnıriniń jartylaı fınalynda óner kórsetetinin jazǵan bolatynbyz.