Anna Danılına Marokkodaǵy jarystyń jartylaı fınalyna shyqty

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 51-raketkasy Anna Danılına Rabat (Marokko) WTA 250 týrnıriniń jartylaı fınalyna shyqty.</p>

Jarystyń 2-raketkalary bolyp tirkelgen A.Danılına – qytaılyq Sıýı Ifan shırek fınalda ulybrıtanııalyq Herrıet Dart – taǵy bir qytaılyq Sıý Vanmen tartysty kezdesý ótkizdi.

Birinshi partııada ulybrıtanııalyq-qytaılyq jup birde-bir geım bergen joq – 6:0. Ekinshisinde qazaqstandyq-qytaılyq dýet ese qaıyrdy – 6:3. Sodan keıin sýper taı-breıkte jeńis Danılına men Ifannyń qanjyǵasynda ketti – 10:7. Bir saǵattan astam ýaqytqa sozylǵan básekede ekeýi 1 eıspen birge 5 breık-poınttyń úsheýin múlt jibergen joq. Dart – Van 5 breıkpen (6 breık-poınt) kózge tústi. 

Anna Danılına – Sıýı Ifan fınalǵa shyǵý úshin japonııalyqtar Erı Hodzýmı – Makoto Nınomııamen talasady.

Qazaqstannyń erler arasyndaǵy birinshi, álemniń 38-raketkasy Aleksandr Nedovesov ekvadorlyq Gonsalo Eskobarmen birge Jeneva (Shveıtsarııa) ATP 250 jarysynyń jartylaı fınalyna shyǵa almaı qaldy. Olar eki saǵatqa jýyq ýaqytqa sozylǵan tartysty matchta dodanyń 1-raketkalary, monakolyq Hıýgo Nıs – polıak ıAn Zelınskıge jol berdi – 6:7 (8:10), 6:1, 12:14.

Eske sala keteıik, budan buryn Qazaqstan jasóspirimder quramasynyń Qytaıdy jeńgenin jazǵan bolatynbyz.

Sondaı-aq Tımofeı Skatov Germanııadaǵy jarystyń shırek fınalyna joldama aldy.