Anna Danılına Marokkodaǵy týrnırdiń fınalyna joldama aldy

<p>RABAT. KAZINFORM &ndash; Qazaqstannyń juptyq syndaǵy birinshi, álemniń 51-raketkasy Anna Danılına Rabat (Marokko) WTA 250 týrnıriniń fınalyna joldama aldy.</p>

Jarystyń 2-raketkasy bolyp tirkelgen Anna Danılına – qytaılyq Sıýı Ifan jartylaı fınalda japonııalyqtar Erı Hodzýmı – Makoto Nınomııamen betpe-bet keldi.

Bir saǵat 22 mınýtqa sozylǵan matchta qazaqstandyq-qytaılyq jup 6:4, 6:4 esebimen basym tústi.

Olar 1 eıspen birge 8 breık-poınttyń beseýin paıdalandy. 

Japonııalyqtar 1 eıs, 3 breıkpen (11 breık-poınt) shekteldi.

Anna Danılına – Sıýı Ifan fınalda jarystyń 4-raketkalary, reseılikter ıAna Sızıkova – Irına Hromachevamen chempıondyq ataqty sarapqa salady.

Reseılik dýet jartylaı fınalda dodanyń 1-raketkalary, qytaılyqtar Hanıý Gýo – Sınıý ıAndy jer soqtyrdy – 1:6, 7:5, 10:6.

Eske sala keteıik, budan buryn Tımofeı Skatovtyń Germanııadaǵy jarystyń jartylaı fınalyna ótkenin jazǵan bolatynbyz.

Sondaı-aq Aleksandr Býblık Frantsııadaǵy týrnırdiń jartylaı fınalynda oınaıdy.