Anna Danılına Qytaıdaǵy jarystyń shırek fınalyna joldama aldy

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 31-raketkasy Anna Danılına Ýhan (Qytaı) WTA 1000 týrnıriniń shırek fınalyna joldama aldy.</p>

A.Danılına reseılik Irına Hromachevamen birge ekinshi aınalymda ıspanııalyq Krıstına Býcha – rýmynııalyq Monıka Nıkýleskýdiń mysyn basty.

Birinshi partııada ıspanııalyq-rýmynııalyq dýet 6:4 esebimen basym tústi.

Ekinshisinde qazaqstandyq-reseılik jup qarsylastaryna esh múmkindik bergen joq – 6:0.

Sodan keıin sýper taı-breıkte jeńisti julyp aldy – 10:8.

Saǵat jarymǵa jýyq ýaqytqa sozylǵan báseke barysynda Danılına – Hromacheva eıs jasamaǵanymen, 7 breık-poınttyń tórteýin paıdalandy. Býcha – Nıkýleský 2 breıkpen (14 breık-poınt) shekteldi.

Anna Danılına – Irına Hromacheva jartylaı fınalǵa shyǵý úshin jarystyń 1-raketkalary, kanadalyq Gabrıela Dabrovskı – jańazelandııalyq Erın Rýtlıfpen talasady.

Eske sala keteıik, budan buryn ıÝlııa Pýtıntsevanyń Qytaıdaǵy týrnırde Olımpıada júldegerin jeńgenin jazǵan bolatynbyz.