Anna Danılına Qytaıdaǵy WTA 1000 jarysynyń chempıony atandy

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 31-raketkasy Anna Danılına Ýhan (Qytaı) WTA 1000 týrnıriniń chempıony atandy.&nbsp;</p>

Qazaqstandyq tennısshi reseılik Irına Hromachevamen birge fınalda amerıkalyqtar Djessıka Pegýla – Aısha Mýhammadpen bas júldeni sarapqa saldy.

Birinshi partııada A.Danılına – I.Hromacheva 6:3 esebimen basym tústi. Ekinshisinde taı-breıkte tarazy basyn ózderine aýdardy – 7:6 (8:6).

Bir saǵat 37 mınýtqa sozylǵan match barysynda chempıondar 2 eıspen birge 7 breık-poınttyń bireýin ǵana paıdalandy. Pegýla – Mýhammad 4 breık-poınttan eshteńe shyǵara almady.  Osylaısha, Anna Danılına men Irına Hromacheva WTA dodalarynda úshinshi ret jeńimpaz atanyp otyr. Al WTA 1 000 jarysynda ekeýi alǵash ret úzdik shyqty.

Eske sala keteıik, budan buryn Anna Danılınanyń Qytaıdaǵy WTA 1000 týrnıriniń fınalyna ótkenin jazǵan bolatynbyz.