Anna Danılına Istbýrn týrnırinde jeńilip qaldy

ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Ulybrıtanııadaǵy Istbýrn WTA 500 týrnıriniń jartylaı fınalyna shyǵa almady, dep habarlaıdy QazAqparat tilshisi.

Qazaqstandyq tennısshi qytaılyq Sıýı Ifanmen birge shırek fınalda jarystyń 3-raketkalary, amerıkalyq Dezıre Kravchık – nıderlandylyq Demı Shıýrspen sheberlik baıqasty.

Amerıkalyq-nıderlandylyq jup eki sette 6:2, 6:4 esebimen jeńiske jetti. Bir saǵat 10 mınýtqa sozylǵan báseke barysynda olar 1 eıspen birge 3 breık-poıntty túgel paıdalandy. Qazaqstandyq-qytaılyq dýet eshteńemen erekshelengen joq.

Anna Danılına aldaǵy aptada bastalatyn Ýımbldon týrnırinde óner kórsetetin bolady.

Eske sala keteıik, budan buryn Elena Rybakınanyń Ýımbldonda chempıondyq ataǵyn úshinshi raketka bolyp qorǵaıtynyn jazǵan edik.

Sondaı-aq Aleksandr Nedovesov Istbýrnda jartylaı fınalǵa shyǵa almady.