Anna Danılına Ispanııadaǵy jarystyń shırek fınalyna shyqty

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 56-raketkasy Anna Danılına Lerıda (Ispanııa) chellendjer týrnıriniń shırek fınalyna shyqty.</p>

Jarystyń 3-raketkalary bolyp tirkelgen A.Danılına men estonııalyq Ingrıd Nıl alǵashqy kezdesýin amerıkalyqtar Heılı Baptıste – Alısııa Parkspen ótkizdi.

Birshama tartysty órbigen matchta qazaqstandyq-estonııalyq dýet 7:6 (7:0), 6:4 esebimen jeńiske jetti. 

Saǵat jarymnan astam ýaqytqa sozylǵan báseke barysynda Nıl – Danılına 4 eıspen birge 9 breık-poınttyń tórteýin paıdalandy. 

Anna Danılına – Ingrıd Nıl jartylaı fınalǵa shyǵý úshin japonııalyq Nao Hıbıno – taıbeılik Vý Fang-Hsıenmen talasady.

Qazaqstannyń erler arasynda juptyq syndaǵy birinshi, álemniń 42-raketkasy ekvadorlyq Gonsalo Eskobarmen birge Madrıd masters týrnıriniń shırek fınalynan tys qaldy. Olar 1/8 fınalda jarystyń 16-raketkalary, frantsııalyqtar Sadıo Dýmbııa – Faben Rebýldan jeńilis tapty – 3:6, 6:3, 5:10. 

Eske sala keteıik, budan buryn Beıbit Juqaevtyń Qytaıdaǵy jarystyń shırek fınalyna ótkenin jazǵan bolatynbyz.

Sondaı-aq Rybakına Madrıdte Pýtıntsevany jeńip, alǵash ret jartylaı fınalǵa shyqty.