Anna Danılına Gonkongta negizgi jarysqa joldama aldy

<p>Qazaqstandyq Anna Danılına Gonkong WTA 250 týrnıriniń irikteý saıystaryn sátti ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Qazaqstandyq tennısshiniń juptyq synda álemdik reıtıngte 32-orynda turǵany belgili.

Bul joly Gonkongta jekeleı synda da óner kórsetýdi jón kórgen A.Danılına dúnıejúzilik reıtıngte 1016-satyda turǵanyna qaramastan irikteý satysynda eki kezdesýin de jeńispen aıaqtady.

Aldymen ol álemniń 235-raketkasy, úndistandyq Karman Kaýr Thandıdi úsh saǵatqa jýyq ýaqytqa sozylǵan tartysty básekede 7:6 (7:2), 6:7 (4:7), 6:2 esebimen tize búktirdi.

Іrikteý saıysynyń fınalynda Anna álemniń 367-raketkasy, reseılik Darıa Lodıkovany 6:4, 6:2 esebimen jeńdi.

Osylaısha negizgi dodaǵa ótken Anna Danılınanyń kelesi qarsylasy keıin anyqtalady.

Taǵy bir qazaqstandyq, reıtıngte 68-oryndaǵy ıÝlııa Pýtıntseva alǵashqy aınalymda álemniń 37-raketkasy, reseılik Anna Blınkovamen sheberlik baıqasady.

Eske sala keteıik, budan buryn Qazaqstannan eki birdeı jas tennısshiniń TOP-100 qataryna kirgenin jazǵan edik.