Anna Danılına Germanııadaǵy jarystyń shırek fınalyna shyqty

ASTANA. QazAqparat – Qazaqstannyń juptyq syndaǵy birinshi, álemniń 25-raketkasy Anna Danılına Gambýrg (Germanııa) WTA 250 týrnıriniń shırek fınalyna shyqty, dep habarlaıdy QazAqparat tilshisi.

Jarystyń 1-raketkalary A. Danılına men reseılik Aleksandra Panova bastapqy matchyn ıtalııalyq Nýrııa Brankachchı – grekııalyq Despına Papamıhaılmen ótkizdi.

Qazaqstandyq-reseılik jup bir saǵatqa jetpeıtin básekede 6:0, 6:2 esebimen aıqyn basymdylyq kórsetti. Olar 6 breık-poınttyń beseýin qur jibergen joq.

A. Danılına men A. Panova jartylaı fınalǵa shyǵý úshin aýstrııalyqtar Melanı Klaffner – Sınıa Kraýspen talasady. Bul dýet chehııalyq Mıhaela Baıerlova – slovenııalyq Nıka Radıshıchti jeńdi – 6:4, 6:1.

Eske sala keteıik, budan buryn Aleksandr Nedovesovtiń tennısten álemniń 45-raketkasy atanǵanyn jazǵan bolatynbyz.

Sondaı-aq, Mıhaıl Kýkýshkın Prezıdent kýbogi týrnıriniń ekinshi aınalymyna shyqty.

ıÝlııa Pýtıntseva Gambýrg jarysyn jeńispen bastady.