Anna Danılına Gambýrg týrnıriniń jartylaı fınalyna joldama aldy

ASTANA. QazAqparat – Qazaqstannyń juptyq syndaǵy birinshi, álemniń 25-raketkasy Anna Danılına Gambýrg (Germanııa) WTA 250 týrnıriniń jartylaı fınalyna joldama aldy, dep habarlaıdy QazAqparat tilshisi.

Jarystyń 1-raketkasy bolyp tirkelgen qazaqstandyq tennısshi reseılik Aleksandra Panovamen birge shırek fınalda aýstrııalyqtar Melanı Klaffner – Sınıa Kraýspen sheberlik baıqasty.

Qazaqstandyq-reseılik jup 6:1, 6:3 esebimen ońaı jeńiske jetti.

A. Danılına men A. Panovanyń jartylaı fınaldaǵy qarsylastary keıin anyqtalady.

Jekeleı synda taǵy bir qazaqstandyq, álemniń 58-raketkasy ıÝlııa Pýtıntseva shırek fınalǵa shyǵa almady. Ol dúnıejúzilik reıtıngte 106-orynda turǵan germanııalyq ıÝle Nımaıerden jeńilis tapty – 7:5, 3:6, 1:6.

Eske sala keteıik, budan buryn tennısten Prezıdent kýbogynda 19 jastaǵy Islam Orynbasardyń ekinshi aınalymǵa shyqqanyn jazǵan bolatynbyz.