Anna Danılına Frantsııada jarys jolynan shyǵyp qaldy

<p>Qazaqstannyń juptyq syndaǵy birinshi, álemniń 56-raketkasy Anna Danılına Lımoj (Frantsııa) chellendjer týrnıriniń jartylaı fınalyna shyǵa almady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jarystyń birinshi raketkalary bolyp tirkelgen A.Danılına men reseılik Aleksandra Panova shırek fınaldyq kezdesýin chehııalyq Anastasııa Detýıch – nıderlandylyq Arancha Rýspen ótkizdi.

Úsh setke sozylǵan básekede chehııalyq-nıderlandylyq jup 3:6, 6:2, 10:7 esebimen jeńiske jetti. Bir saǵat 13 mınýtqa sozylǵan matchta olar 3 eıspen birge 2 breık-poıntty múlt jibergen joq. Qazaqstandyq-reseılik dýet 2 eıs, 1 breıkten asa almady.

Osylaısha, Anna Danılına jarys jolynan shyǵyp qaldy.

Eske sala keteıik, budan buryn qazaqstandyq Grıgorıı Lomakınniń Mysyrdaǵy týrnırdiń shırek fınalyna shyqqanyn jazǵan bolatynbyz.