Anna Danılına Dohada jarys jolynan shyǵyp qaldy

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 45-raketkasy Anna Danılına Doha (Qatar) WTA 1000 týrnırinde jeńilip qaldy.</p>

Qazaqstandyq tennısshi ýkraınalyq Nadejda Kıchenokpen birge alǵashqy aınalymda jarystyń 5-raketkalary, nıderlandylyq Demı Shıýrs – brazılııalyq Lýıza Stefanımen jolyǵysty.

Birshama tartysty ótken matchta nıderlandylyq-brazılııalyq jup 6:4, 7:6 (10:8) esebimen jeńiske jetti.

Saǵat jarymnan astam ýaqytqa sozylǵan báseke barysynda A.Danılına – N.Kıchenok 2 eıspen birge 7 breık-poınttyń ekeýin paıdalandy. Qarsylas dýet 1 eıs, 3 breıkke qol jetkizdi. 
Qazaqstannyń jekeleı syndaǵy birinshi, álemniń 4-raketkasy Elena Rybakına búgin ekinshi aınalymda dúnıejúzilik reıtıngide 57-orynda turǵan qytaılyq Chjý Lınmen bastapqy kezdesýin ótkizedi.

Eske sala keteıik, budan buryn Mıhaıl Kýkýshkınniń álemdik reıtıngide birden 16 satyǵa joǵarylaǵanyn jazǵan bolatynbyz.