Anna Danılına Býdapesht týrnıriniń shırek fınalynda oınaıdy

<p>ASTANA. KAZINFORM — Qazaqstannyń juptyq syndaǵy birinshi, álemniń 50-raketkasy Anna Danılına Býdapesht (Majarstan) WTA 250 týrnıriniń shırek fınalyna shyqty.</p>

Jarystyń 2-raketkasy bolyp tirkelgen A.Danılına — reseılik Irına Hromacheva bastapqy kezdesýin chehııalyq Anastasııa Detsıýk — nıderlandylyq Bıbıana Shoofspen sátti ótkizdi.

Qazaqstandyq-reseılik jup aıqyn basymdylyq kórsetti — 6:2, 6:1.

Bir saǵatqa sozylǵan kezdesýde ekeýi 8 breık-poınttyń altaýyn qur jibergen joq. Detsıýk — Shoofs 1 eıs, 1 breıkpen (3 breık-poınt) shekteldi.

A.Danılına — I.Hromachevanyń shırek fınaldaǵy qarsylastary keıin belgili bolady. 

Taǵy bir qazaqstandyq, juptyq synda reıtıngide 140-orynda turǵan Jibek Qulambaeva qytaılyq Shýo Fenmen birge Palermo (Italııa) WTA 250 dodasynyń alǵashqy aınalymynda súrinip, shırek fınalǵa óte almady.

Olar shveıtsarııalyq Konnı Perren — amerıkalyq Kýınn Glısonǵa jol berdi — 1:6, 6:7 (1:7). Bul báseke 1 saǵat 23 mınýtqa sozyldy. 

Eske sala keteıik, budan buryn Tımofeı Skatovtyń Shvetsııada negizgi jarysqa joldama alǵanyn jazǵan bolatynbyz.

Sondaı-aq Denıs Evseev Shvetsııadaǵy týrnırde kambek jasap, jeńiske jetti.