ASTANA. KAZINFORM — Qazaqstannyń juptyq syndaǵy birinshi, álemniń 14-raketkasy Anna Danılına Brısben (Aýstralııa) WTA 500 týrnıriniń jartylaı fınalyna shyqty.
Jarystyń 2-raketkasy bolyp tirkelgen A.Danılına serbııalyq Aleksandra Krýnıchpen birge shırek fınalda reseılikter Ekaterına Aleksandrova – Mırra Andreevanyń meselin qaıyrdy.
Birinshi partııada qazaqstandyq-reseılik jup aıqyn basymdylyq tanytty – 6:1.
Ekinshi sette de sol qarqynynan tanǵan joq – 6:3.
Nebári 51 mınýtqa sozylǵan básekede Danılına – Krýnıch 2 eıske qosa 7 breık-poınttyń beseýin paıdalandy. Aleksandrova – Andreeva 2 eıs, 1 breıkten asa almady.
Anna Danılına – Aleksandra Krýnıchtiń jartylaı fınaldaǵy qarsylastary keıin belgili bolady.
Eske sala keteıik, budan buryn ıÝlııa Pýtıntsevanyń Brısben týrnıriniń ekinshi aınalymyna shyqqanyn jazǵan edik.
Anna Danılına Aýstralııadaǵy jarystyń shırek fınalyna shyqty.
Sondaı-aq Zańǵar Nurlanuly jasóspirimder arasynda álemdik reıtıngide 12-orynǵa kóterildi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).