ASTANA. KAZINFORM – Qazaqstannyń juptyq syndaǵy birinshi, álemniń 20-raketkasy Anna Danılına Lınts (Aýstrııa) WTA 500 týrnıriniń fınalynan tys qaldy.
Jarystyń 2-raketkasy bolyp tirkelgen qazaqstandyq tennısshi Irına Hromachevamen birge jartylaı fınalda ýkraınalyqtar Nadejda jáne Lıýdmıla Kıchenokqa tap keldi.
Ýkraınalyq jup birinshi partııada 6:4 esebimen basym tússe, ekinshisinde tipti bet qaratpady – 6:0.
Bir saǵat 10 mınýtqa sozylǵan báseke barysynda Danılına – Hromacheva 1 eıspen birge 8 breık-poınttyń tek ekeýin paıdalandy. Ýkraınalyqtar 2 eıs, 6 breıkpen (7 breık-poınt) kózge tústi.
Eske sala keteıik, budan buryn Anna Danılınanyń Aýstrııadaǵy týrnırdiń jartylaı fınalynda oınaıtynyn jazǵan edik.
Sondaı-aq tennısten Devıs kýbogynda Qazaqstan – Pákistan matchynyń jerebesi tartyldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).