Anna Danılına AQSh-taǵy jarystyń shırek fınalyna joldama aldy

Qazaqstannyń juptyq syndaǵy birinshi raketkasy Anna Danılına San-Dıego (AQSh) WTA 500 týrnıriniń shırek fınalyna joldama aldy, dep habarlaıdy QazAqparat tilshisi.

Qazaqstandyq tennısshi amerıkalyq Betanı Mattek-Sandspen birge alǵashqy aınalymda norvegııalyq Ýlrıkke Eıkerı – estonııalyq Ingrıd Nılmen sheberlik baıqasty.

Bir saǵat 39 mınýtqa sozylǵan matchta qazaqstandyq-amerıkalyq jup 6:3, 7:6 (7:4) esebimen jeńiske jetti. Olar 1 eıspen birge 13 breık-poınttyń altaýyn múlt jibermedi. Norvegııalyq-estonııalyq dýet 5 breıkten (13 breık-poınt) asa almady.

A.Danılına – B.Mattek-Sands jartylaı fınalǵa shyǵý úshin jarystyń 2-raketkalary, japonııalyq Sıýko Aoıama – qytaılyq Chjaosıýan ıAnmen talasady.

Eske sala keteıik, budan buryn ıÝlııa Pýtıntsevanyń Osaka týrnırinde juptyq synda da shırek fınalǵa ótkenin jazǵan bolatynbyz.

Sondaı-aq Qazaqstan tennıs quramasy Devıs kýbogine daıyndyqty bastady.