Anna Danılına Adelaıda jarysynyń jartylaı fınalyna joldama aldy

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 23-raketkasy Anna Danılına Adelaıda (Aýstralııa) WTA 500 týrnıriniń jartylaı fınalyna joldama aldy.</p>

Qazaqstandyq tennısshi reseılik Irına Hromachevamen birge shırek fınalda amerıkalyqtar Eshlın Krıýger — Djessıka Pegýlamen kezdesýi kerek edi.

Alaıda amerıkalyq jup matchqa kelmeı qaldy da, Danılına — Hromacheva jartylaı fınalǵa oınamastan ótti.

Qazaqstandyq-reseılik jup fınalǵa shyǵý úshin brazılııalyq Beatrıs Haddad Maııa — germanııalyq Laýra Zıgemýndpen talasady. Olar ¼ fınalda tartysty básekede amerıkalyq Dezıre Kravchık — meksıkalyq Djýlıana Olmosty joldan taıdyrdy — 5:7, 6:4, 13:11.

Bir apta buryn A.Danılına — I.Hromacheva juby Brısben WTA 500 jarysynyń shırek fınalyna deıin jetip, onda japonııalyqtar Sýko Aoıama — Erı Hodzýmıge ese jibergen edi — 0:6, 4:6.

Eske sala keteıik, budan buryn Anna Danılınanyń Adelaıda týrnıriniń shırek fınalyna shyqqanyn jazǵan bolatynbyz.

Sondaı-aq Zarına Dııas Taılandtaǵy týrnırde úshinshi kezdesýinde jeńiske jetti.