Anna Danılına Adelaıda týrnıriniń shırek fınalyna shyqty

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 23-raketkasy Anna Danılına Adelaıda (Aýstralııa) WTA 500 týrnıriniń shırek fınalyna ótti.</p>

Qazaqstandyq tennısshi reseılik Irına Hromachevamen birge jańa jyldaǵy alǵashqy kezdesýin sátti ótkizdi.

Qazaqstandyq-reseılik dýet aýstralııalyqtar Gabrıella Da Sılva Fı - Olıvııa Gadekıdi 6:1, 6:1 esebimen oısyrata utty.

Nebári 48 mınýtqa sozylǵan báseke barysynda Danılına – Hromacheva 3 eıspen birge 5 breık-poınttan shashaý shyǵarǵan joq.

Anna Danılına – Irına Hromacheva jartylaı fınalǵa shyǵý úshin amerıkalyqtar Eshlın Krıýger - Djessıka Pegýlamen talasady. Bul jup jarystyń 1-raketkalary, taıbeılik Se Shýveı – latvııalyq Elena Ostapenkony utyp ketti – 6:3, 7:5.

Búgin Adelaıda ATP 250 týrnırinde Qazaqstannyń erler arasyndaǵy birinshi, álemniń 33-raketkasy Aleksandr Býblık reıtıngide 55-orynda turǵan serbııalyq Mıomır Ketsmanovıchke ese jiberdi – 4:6, 2:6.

Sondaı-aq osy dodada juptyq synda Aleksandr Nedovesov nıderlandtyq Robın Hasemen birge tartysty matchta chehııalyqtar Petr Noýza – Patrık Rıklden utylyp qaldy – 6:1, 6:7 (13:15), 7:10.

Eske sala keteıik, budan buryn Zarına Dııastyń Taılandtaǵy týrnırdiń irikteý saıysyn sátti ótkizgenin jazǵan bolatynbyz.