Ankaradaǵy lańkestik áreketten qansha adam kóz jumdy

<p>ANKARA. KAZINFORM &ndash; Túrkııanyń TUSAŞ áýe-ǵarysh kompanııasynyń nysanyndaǵy lańkestik áreket Túrkııanyń turaqtylyǵy men qorǵanys ónerkásibi salasyndaǵy jetistikterine nuqsan keltirýdi kózdeıdi, dep habarlady&nbsp;<a href="https://www.aa.com.tr/ru/%D0%BC%D0%B8%D1%80/%D0%BF%D1%80%D0%B5%D0%B7%D0%B8%D0%B4%D0%B5%D0%BD%D1%82-%D1%8D%D1%80%D0%B4%D0%BE%D0%B3%D0%B0%D0%BD-%D1%82%D0%B5%D1%80%D0%B0%D0%BA%D1%82-%D0%BD%D0%B0-%D0%BE%D0%B1%D1%8A%D0%B5%D0%BA%D1%82%D0%B5-tusas-%D0%BD%D0%B0%D0%BF%D1%80%D0%B0%D0%B2%D0%BB%D0%B5%D0%BD-%D0%BD%D0%B0-%D0%BF%D0%BE%D0%B4%D1%80%D1%8B%D0%B2-%D1%81%D1%82%D0%B0%D0%B1%D0%B8%D0%BB%D1%8C%D0%BD%D0%BE%D1%81%D1%82%D0%B8-%D1%82%D1%83%D1%80%D1%86%D0%B8%D0%B8/3372118" target="_blank" rel="noopener">Anadoly </a>agenttigi.</p>

Bul týraly Túrkııa prezıdenti Rejep Taıyp Erdoǵan X áleýmettik jelisinde túriktiń TUSAŞ aeroǵaryshtyq kompanııasynyń nysandaryna jasalǵan shabýylǵa qatysty pikir bildirdi.

Memleket basshysy shabýyldan keıingi alǵashqy mınýttarda túrik qaýipsizdik kúshteri shuǵyl áreket etip, lańkesterdi zalalsyzdandyrǵanyn atap ótti.

– Túrkııaǵa qaraı sozylǵan «las qoldar» bógeledi. Bizdiń qaýipsizdigimizge baǵyttalǵan birde-bir qurylym, terrorıstik uıym nemese zulymdyq oshaǵy óz maqsatyna jete almaıdy, – dep jazdy Túrkııa basshysy.

Erdoǵan Túrkııanyń lańkester men olardyń sybaılastarynan keletin qaýipterdiń barlyq túrine qarsy tabandy ári jan-jaqty kúres jalǵasady dep sendirdi.

Túrkııa Prezıdenti qaza bolǵandardyń rýhy shat bolýyn, jaralylardyń tezirek saýyǵyp ketýin tiledi.

Túrik basshysy túrik qorǵanys ónerkásibiniń lokomotıvi jáne maqtanyshy dep ataǵan TUSAŞ qyzmetkerlerine de qoldaý bildirdi.

Túrkııanyń ishki ister mınıstri Alı Ierlıkaıanyń málimdesinde Túrkııanyń TUSAŞ aeroǵarysh kompanııasynyń nysanyndaǵy terakt saldarynan 4 adam qaza taýyp, taǵy 14 adam jaraqat alǵany aıtylǵan.

Mınıstrdiń aıtýynsha, shabýyldy jasaǵan eki lańkes zalalsyzdandyrylǵan. Lańkesterdiń biri áıel.

Vedomstvo basshysy jurtshylyqty bolǵan oqıǵaǵa qatysty tek resmı aqparat kózderinen alynǵan aqparatqa senýge shaqyrdy.

Túrkııa astanasynyń Kahramanqazan aýdanyndaǵy TUSAŞ mekemesinde bolǵan lańkestik áreket kezinde jaraqat alǵan 14 adamnyń úsheýiniń jaǵdaıy aýyr, dep habarlady ishki ister mınıstri.

– Lańkesterdi anyqtaý jumystary jalǵasýda. Olardyń aty-jóni belgili bolǵannan keıin biz olardyń qandaı terrorıstik uıymnan ekenin habarlaımyz, – dedi mınıstr.

Ierlıkaıa Túrkııanyń túrik halqynyń birligine qol suǵýshylarmen kúreste tabandylyǵyna toqtaldy.

El Ádilet mınıstri Iylmaz Týnch Ankara Bas prokýratýrasynyń lańkestik shabýylǵa qatysty tergeý bastaǵanyn aıtty.

Aıta keteıik, buǵan deıin Túrkııada terakt bolǵany týraly jazǵan edik.

Qasym-Jomart Toqaev Túrkııa Prezıdentine kóńil aıtty.