Ankarada Jambyl Jabaevtyń 175 jyldyǵyna oraı ǵylymı konferentsııa ótti
Syrtqy saıası vedomstvonyń málimetinshe , sharaǵa Qazaqstan Elshisi Abzal Saparbekuly, Ankara Hadjy Baıram Velı ýnıversıtetiniń rektory ıÝsýf Tekın, ýnıversıtet oqytýshylary, ǵylymı qyzmetkerler, stýdentter men jergilikti BAQ ókilderi qatysty.
Alǵy sózinde Elshi Jambyldyń qazaq ádebıeti men adamzat tarıhyndaǵy ornynyń ereksheligine toqtaldy.
Ol «Uly dala Gomeri atanǵan Jambyl kózi tirisinde-aq álemge áıgili bolyp, qurmetke bólendi. Óz ultynyń rýhanı qazynasyn, tereń fılosofııasyn jyrlarynda kórsete bilgen Jambyl eski men jańany ushtastyra bilgen» dep baıandady.
Sonymen qatar otandyq dıplomat, Jambyldyń qazaq halqynyń ulttyq qundylyqtary men baı folklorlyq dástúrleriniń saqtalýyna úlken úles qosqandyǵyn, osy oraıda onyń murasyn zerdeleý, qorǵaý tek qazaq halqy úshin ǵana emes, búkil Túrik álemi úshin mańyzdy ekendigin basa aıtty.
Ankara Hadjy Baıram Velı ýnıversıtetiniń rektory óz sózinde qazaq elin táýelsizdiktiń 30 jyldyǵymen quttyqtap, atalǵan konferentsııanyń eki baýyrlas elder arasyndaǵy rýhanı jáne ǵylymı baılanystardy odan ári nyǵaıta túsetindigine senimin bildirdi.
Konferentsııada Ankara Hadjy Baıram Velı ýnıversıtetinen prof. dok. Nadjıe Ata Iyldyz, Dots. dok. Bekır Túmen Somýnjý, dok. Ferhat Tamır, Kastomoný ýnıversıtetinen prof. dok. Orhan Sóılemez, Ege ýnıverısıteninen prof. dok. Mýstafa Óner, Mýǵla Sytky Kochmen Ýnıversıtetinen dots. dok. Ekrem Aıan, Akdenız ýnıversıtetinen Lázzat Ýrakova ıAnch Jambyl ómirimen shyǵarmashylyǵy týraly baıandama jasady.
Ǵalymdar Jambyldyń ulylyǵy onyń tek aqyndyq sheberligimen ǵana emes, sonymen birge halyq poezııasynyń butaq jaıǵan jańa bir báıteregi bolýymen, basqasha aıtqanda, halyq aqyndarynyń jasampazdyq rýhtaǵy jańa uly kóshin bastaǵan daralyǵymen de ólshenetindigin atap ótti.
Konferentsııa barysynda qatysýshylarǵa Elshiliktiń qoldaýymen basylyp shyǵarylǵan kitaptar tartý etildi.