Ankarada Túrki ınvestıtsııalyq qoryn qurý jumystarynyń barysy pysyqtaldy

ASTANA. QazAqparat - Ankarada Qazaqstannyń ulttyq ekonomıka vıtse-mınıstri Abzal Ábdikárimov pen Túrkııanyń qazynashylyq jáne qarjy mınıstriniń orynbasary Murat Zamannyń kelissózderi ótti, dep habarlaıdy QazAqparat QR Ulttyq ekonomıka mınıstrliginiń Telegram kanalyna silteme jasap.

Іs-sharaǵa QR Ádilet vıtse-mınıstri Aqerke Ahmetova da qatysty.

Kezdesý barysynda A.Ábdikárimov Túrkııa Prezıdenti Rejep Taıyp Erdoǵannyń qazan aıyna josparlanǵan Qazaqstanǵa sapary eki eldiń qarym-qatynastaryn odan ári damytýǵa serpin beretinin atap ótti.

Onyń aıtýynsha, búgingi tańda QR UEM seriktestermen birlesip Qordyń quqyqtyq bazasyn qalyptastyrý boıynsha belsendi jumys júrgizýde.

Sonymen qatar, qazaqstandyq tarap qurylatyn qor qarajatyn basqarý jáne kelisimge ózgerister men tolyqtyrýlar engizý tetigi boıynsha tujyrymdamalyq tásilderdi pysyqtaýda.

Taraptar atalǵan halyqaralyq qarjy uıymyn qurý óńirlik saýdany keńeıtý jáne ekonomıkalyq qyzmetti qoldaý arqyly Túrki memleketteri uıymyna múshe elderdiń ekonomıkalyq damýyna járdem kórsetýge múmkindik beretinine senim bildirdi.

Foto: t.me/presseconomy