Ankarada «Nursultan Nazarbaev: Uly dalanyń rýhanı jańǵyrýy» atty kitaptyń tusaýy kesildi
Іs-sharany Qazaqstannyń Túrkııadaǵy Elshiligi men Túrkııanyń alǵashqy Prezıdenti Mustafa Kemal Atatúrik qurǵan, osy eldiń eń bedeldi qurylymdarynyń biri sanalatyn Túrik tarıh uıymyny uıymdastyrdy. Qoldaý kórsetken - Túrkııa Respýblıkasy Prezıdent Ákimshiligi.
Jıynǵa Elshi Abzal Saparbekuly, Túrkııa Respýblıkasy Prezıdentiniń Bas keńesshisi ıAlchyn Topchý, Túrik tarıh uıymynyń basshysy Refık Týran, sondaı-aq Túrkııanyń basqa da yqpaldy saıası tulǵalary, tanymal ǵalymdar men joǵarǵy oqý oryndarynyń ustazdary qatysty.
Jıyndy ashqan Túrik tarıh uıymynyń basshysy Refık Týran Túrki álemi Qazaqstannyń Eýrazııadaǵy belsendiligi men yqpalynyń artýyna súısinip otyrǵanyn aıtty. Ol, sondaı-aq, Nursultan Nazarbaevtyń ult múddesi úshin qajetti maqsattardy júzege asyrǵan, halyqqa jol ashqan jáne keleshektiń kelbetin aıqyndaǵan kóshbasshy ekenin jetkizdi.
Óz kezeginde, Elshi A. Saparbekuly Elbasynyń Qazaqstan ǵana emes, Ortalyq Azııa jáne kúlli Túrki áleminiń baıandy bolashaǵy úshin aıanbaı eńbek etip kele jatqanyn aıtyp, Memleket basshysynyń Túrki keńesin qurý, Túrkııa men Reseı arasyndaǵy ushaq daǵdarysyn ońǵarý jáne Sırııa máselesin sheshýge baǵyttalǵan Astana protsesin uıymdastyrý sııaqty bastamalaryna toqtaldy.
Túrkııa Parlamentiniń depýtaty, Túrkııa-Qazaqstan dostyq tobynyń basshysy Mehmet Alı Jevherı uly oıshyl, búkil túrki jurtyna ıman nuryn shashqan aǵartýshy Ahmet ıAsaýı ilimi jóninde sóz qozǵady. Ol Qazaqstandy álemge tanytyp, basqa eldermen yntymaqtastyq ornatý arqyly zamanaýı memleket qurǵan jáne Túrki áleminiń aqsaqaly atanǵan N. Nazarbaev pen ıAsaýı babamyz arasyndaǵy rýhanı sabaqtastyqqa nazar aýdardy.
Jıynǵa arnaıy qatysqan Túrkııa Prezıdentiniń Bas keńesshisi ıAlchyn Topchý Nursultan Nazarbaevtyń strategııalyq saıasaty men kóregendigin atap ótti.
«Tuǵyrly memleketti qurýshy kemeńger kóshbasshy retinde tanylǵan N. Nazarbaev - Túrki-Islam áleminiń Aqsaqaly jáne qazaq baýyrlarymyzdyń ǵana emes, búkil Túrki áleminiń maqtanyshy» - deıdi ol.
Jıyn Seıfettın Erol, Hasan Únal jáne Kúrshat Zorlý sııaqty Túrkııanyń tanymal ǵalymdary jáne taldaý ortalyqtarynyń basshylary baıandama jasady. Sóıleýshiler qazaq Prezıdentiniń «Uly dalanyń jeti qyry» atty aýqymdy maqalasyn jarııalaý arqyly Qazaqstannyń rýhanı jańǵyrýyna ǵana emes, Túrki áleminiń birigýine baǵdar beretin taǵy bir mańyzdy qadam jasaǵanyn tilge tıek etti. Sarapshylardyń pikirinshe, Elbasy óziniń baǵdarlamalyq maqalasynda Qazaqstannyń túrkilik tabıǵatyn aıqyndaıtyn mańyzdy tujyrymdar jasap, Qazaq eliniń Túrki álemimen baılanysyn bekite túsetin praktıkalyq qadamdardy utymdy usynǵan.
Sonymen qatar, konferentsııa aıasynda Qazaqstan Respýblıkasynyń Túrkııadaǵy Elshiligi jáne Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń qoldaýymen qazaq jáne túrik tilinde jaryq kórgen «Nursultan Nazarbaev: Uly dalanyń rýhanı jańǵyrýy» atty kitaptyń tusaýkeseri ótti. Kitapqa Elbasynyń «Uly dalanyń jeti qyry» jáne «Bolashaqqa baǵdar: rýhanı jańǵyrý» atty qazaq jáne túrik tilderindegi maqalalar engen.