Ankarada Naýryz merekesi toılandy

ANKARA. QazAqparat - 22 naýryz kúni Qazaqstan Respýblıkasynyń Túrkııadaǵy Elshiligi Naýryz merekesin atap ótti, dep habarlaıdy QazAqparat elshiliktiń Feısbýktegi paraqshasyna silteme jasap.

Іs-sharaǵa Qazaqstannyń Túrkııadaǵy Elshisi A. Saparbekuly, Túrkııa Respýblıkasy Prezıdentiniń Bas keńesshileri ıA. Topchý jáne I.Shener, Túriksoı Bas hatshysynyń orynbasary F. Pýrtash, Túrkııa Uly Ulttyq Májilisiniń eks-spıkeri Hıkmet Chetın, TUUM depýtaty, burynǵy Premer-Mınıstr orynbasary Iyldyrym Tuǵryl Túrkesh jáne Túrkııanyń memlekettik jáne qoǵam qaıratkerleri, Ankaradaǵy dıplomatııalyq korpýs basshylary, Ystambul, Manısa, Nıǵde, Sakarııadan kelgen qazaq dıasporasy ókilderi, Túrkııada bilim alyp jatqan qazaq jastary jáne BAQ ókilderi qatysty.

Merekelik sharada jınalǵan qaýymǵa qazaqtyń salt dástúrleri kórsetildi. Atap aıtqanda, Qydyr atanyń bata berýi, betashar jáne tusaýkeser dástúrleriniń sahnalyq kórsetilimi shetel qonaqtaryn tánti etti.

Alqaly jıyn Ámre, Jigitter toby, Qazaq ulttyq óner Ýnıversıteti Astana folklorlyq mýzyka toby, Otaý bı toby jáne TÚRKSOI ónerpazdarynyń kontserttik baǵdarlamasy jáne resmı qabyldaýmen jalǵasyn tapty.

Naýryz merekesine oraı Elshilik baqshasynda kıiz úı tigilip, qazaqtyń ulttyq taǵamdary men kıimderi qonaqtarǵa tanystyryldy.