Ankarada Maǵjan Jumabaıǵa 125 jyl tolýyna oraı halyqaralyq konferentsııa ótti
Elshiliktiń habarlaýynsha, ǵylymı jıyn Qazaqstan Respýblıkasynyń Prezıdenti N.Á.Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy men «Rýhanı jańǵyrý» memlekettik baǵdarlamasy aıasynda uıymdastyrylyp otyr.
Jıynǵa Qazaqstan Respýblıkasynyń Túrkııadaǵy Elshisi Abzal Saparbekuly,Túrkııa Respýblıkasy Prezıdentiniń Bas keńesshisi ıAlchyn Topchý, Túrki mádenıetindamytý uıymynyń Bas hatshysy Dúısen Qaseıinov, Túrkııa Mádenıet jáne týrızm mınıstriniń orynbasary Húseıin ıAaıman, Gazı ýnıversıtetiniń rektory Ibrahım Ýslan, Kechıóren mýnıtsıpalıtetiniń meri Mustafa Ak, Ahmet ıAssaýı ýnıversıtetiniń Ókiletti keńes tóraǵasy Musa Iyldyz, Túrkııat ınstıtýtynyń dırektory Hýlııa Kasapoǵlý Chengel, sonymen qatar Qazaqstannyń belgili ádebıettanýshy-ǵalymdary Aıgúl Іsmaqova, Serikqazy Qorabaı, Zarqyn Taıshybaı, Qaıyrbek Kemeńger, ErbolTileshov, Sáýle Malıkova qatysty.
Qazaqtyń alyp aqyny Maǵjan Jumabaıdyń qalamgerligi men qaıratkerligi týraly sóz sóılegen Elshi Abzal Saparbekuly aqynnyń túrki birligine, túrki yntymaqtastyǵyna qosqan zor úlesin atap ótti.
«Aqynnyń «Túrkistan», «Alystaǵy baýyryma», «Paıǵambar» syndy óleńderi qazaq pen túrki halyqtarynyń ortaq murasyna aınaldy. Maǵjan muralary eki baýyrlas eldi eldestiretin, jurtty jalǵaıtyn altyn kópir», - degen Abzal Saparbekuly Maǵjannyń Táýelsizdik jolyndaǵy atqarǵan eren eńbekterine toqtaldy. Sóz sońynda Elshi bıylǵy jyldy «Maǵjan Jumabaı jyly» etip jarııalaǵan Túrki mádenıetin damytý uıymyna alǵys aıtyp, shara uıymdastyrýshylary men qatysýshylarǵa tilektestigin bildirdi.
Halyqaralyq jıynǵa qatysqan ádebıettanýshy-ǵalymdar men túrik zııaly qaýym ókilderi aqyn Maǵjan Jumabaıdyń ǵylymı murasy, jańashyldyǵy men shyǵarmashylyq evolıýtsııasy, poezııasy men birqatar óleńderiniń tarıhy, qaıratkerligi men qalamgerligi týraly baıandama jasady.
Sonymen qatar, atalǵan shara aıasynda Qazaqstannan kelgen qonaqtar men túrik zııalylary Ankaranyń Kechıóren mýnıtsıpalıtetindegi Maǵjan Jumabaıdyń eskertkishine gúl shoqtaryn qoıyp, aqyn rýhyna taǵzym etti. Shara barysynda Elshi A.Saparbekuly Kechıóren mýnıtsıpalıtetiniń meri Mustafa Ak myrzany QR Syrtqy ister mınıstrliginiń taǵaıyndaǵan «Qazaqstannyń dıplomatııalyq qarym-qatynastaryna 25 jyl» mereıtoılyq medalimen marapattady.