Ankarada elimizdegi prezıdent saılaýy men oǵan daıyndyq jaıy sóz boldy
13:41, 22 Mamyr 2019
ANKARA. QazAqparat - Qazaqstannyń Túrkııadaǵy elshiligi Ankarada elimizdegi kezekten tys prezıdent saılaýy men oǵan daıyndyq sharalary jóninde baspasóz jıynyn ótkizdi, dep habarlaıdy QazAqparat Habar 24 telearnasyna silteme jasap.
Otyrysqa túriktiń beldi aqparat agenttikteri, iri medıaholdıng ókilderi qatysty. Munda qazaqstandyq tarap BAQ ókilderine elimizdegi prezıdenttik saılaý zańnamasy, naýqany men úmitkerler jaıly jan-jaqty aqparat berip, Elbasy Nursultan Nazarbaevtyń tarıhı sheshiminiń mán-maǵynasyna toqtaldy.
Kezdesýde jýrnalıster Qazaqstandaǵy dinı ahýal, Ortalyq Azııadaǵy yntymaqtastyq úrdisi, Jibek joly, Shanhaı yntymaqtastyq uıymy, Qazaqstannyń BUU Qaýipsizdik keńesindegi tóraǵalyǵy jáne eki el arasyndaǵy saýda-sattyq máselesi týraly saýaldar qoıyp, ózekti taqyryptar tóńireginde oı bólisti.