Ankara Palestınaǵa gýmanıtarlyq kómek kórsetý múmkindigin qarastyryp jatyr

<p>Túrkııa Gaza sektoryndaǵy soǵys qımyldarynan zardap shekken palestınalyqtarǵa gýmanıtarlyq kómek jiberýge daıyn. Biraq qazirgi jaǵdaıda óńirge júkti jiberý qıyn bolyp tur, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.&nbsp;</p>

El prezıdenti Rejep Taıyp Erdoǵan Túrkııa Palestınaǵa gýmanıtarlyq kómek jetkizýge qajet daıyndyqty jasap jatqanyn málim etti.

Sonymen qatar Túrkııa Qorǵanys mınıstrligi eldiń Qarýly kúshteri Palestına halqyna kómek jetkizý mindetterin oryndaýǵa daıyn ekenin atap ótti.

«Óńirdegi ahýal óte qıyn. Qazirgi jaǵdaıda ol jaqqa kómek jetkizý óte qıyn. Túrkııa qazir Palestına jáne Izraılmen kelisýge tyrysyp jatyr», - dep atap ótti Túrkııa Qorǵanys mınıstrligi ókili.

Erdoǵannyń Palestına men Izraıl kóshbasshylarymen kelissóz júrgizgenine qaramastan, Túrkııa áli de gýmanıtarlyq kómek jetkizý kestesin resmı jarııalaǵan joq.

Ádette, mundaı tapsyrmany elde Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD) oryndaıdy, biraq qajet bolǵan jaǵdaıda áskerı ushaq pen kemeler paıdalanylady.

Buǵan deıin Egıpet pen AQSh, Qatar men Túrkııa arasyndaǵy kelissózde gýmanıtarlyq kómekti Gaza sektory men egıpettik Sınaı túbegi arasyndaǵy «Rafah» baqylaý-ótkizý pýnkti arqyly, ýaqytsha oqty toqtata turyp jetkizý máselesi talqylanǵan bolatyn.