Ankara halyqaralyq kitap kórmesinde qazaq qalamgerleriniń shyǵarmalary tanystyryldy
Qazaqstannyń Túrkııadaǵy Elshisi Abzal Saparbekulynyń aıtýynsha, elimizdiń Ankara kitap kórmesine qatysýyndaǵy basty maqsat – túrik oqyrmanyna qazaq avtorlarynyń shyǵarmalaryn tanystyrý.
«Bıyl Qazaqstan Táýelsizdiginiń 30 jyldyq mereıtoıyn atap ótip jatyr. Osy oraıda mundaı keleli is-sharalar eki eldiń mádenı-ǵylymı baılanystaryn odan ári kúsheıte túsetindigi sózsiz», - dedi Elshi.
2005 jyldan beri jylyna eki ret ótkiziletin Ankara kitap jármeńkesi aıasynda Qazaqstannyń Eńbek sińirgen qaıratkeri, fılologııa ǵylymdarynyń doktory, professor Ádil Ahmetovtiń «Kolýmb dáýirinen burynǵy amerıkalyq «úndisterdiń» altaılyq tegi», belgili jazýshy Kenan Koch pen Aıabek Baınııazovtiń «Túrikshe-qazaqsha, qazaqsha-túrikshe sózdigi», Nurǵalı Orazdyń túrikshege aýdarylǵan «Qazyǵurt oqıǵalary», Orhan Sóılemez, Aıabek Baınııazov jáne Shapaǵat Jalmanovtyń «Aqyndardyń kózimen – dombyra», Baýyrjan Qaraǵyzulynyń «Kravat» óleńder jınaǵy, qazaqtyń uly aqyny Jambyl Jabaevtyń «Kóroǵly dastany», Málik Otarbaevtyń «ıÝnýs Emre» jyrlary, jazýshy ǵalym Kýrshad Zorlýnyń «Nursultan Nazarbaev Uly dalanyń rýhanı jańǵyrýy», «Aqyndardyń kózimen – Abaı», Ábish Kekilbaevtyń túrikshege aýdarylǵan kitaby tanystyryldy.
Sondaı-aq kórme aıasynda Qazaqstannyń Túrkııadaǵy Elshiligi jáne Ankara Hadjy Baıram Velı ýnıversıtetiniń birlesip uıymdastyrýmen qazaq halyq poezııasynyń áıgili tulǵasy Jambyl Jabaevtyń 175 jyldyǵyna arnalǵan ǵylymı konferentsııa ótti. Táýelsizdigimizdiń 30 jyldyǵyna oraılastyrylǵan konferentsııany ashqan Elshi Abzal Saparbekuly Jambyldyń qazaq ádebıeti men adamzat tarıhyndaǵy orny erekshe ekendigine toqtaldy.
«Uly Dala Gomeri atanǵan Jambyl kózi tirisinde-aq álemge áıgili bolyp, qurmetke bólendi. Óz ultynyń rýhanı qazynasyn, Uly dalanyń tereń fılosofııasyn jyrlarynda kórsete bilgen Jambyl eski men jańany ushtastyra bilgen», - dedi ol.
Konferentsııada túriktiń birneshe ǵalymy Jambyl ómiri men shyǵarmashylyǵy týraly baıandama jasady. Іs-shara sońynda qatysýshylarǵa Qazaqstannyń Túrkııadaǵy Elshiliginiń qoldaýymen basylyp shyǵarylǵan kitaptar tartý etildi.
Aıta keteıik, buǵan deıin Italııa, Frantsııa, Iran jáne Reseı bul kórmege «qonaq el» mártebesinde qatysqan bolatyn. Al bul joly Qazaqstan «qonaq el» retinde qatysyp jatqan 16-shy Ankara halyqaralyq kitap kórmesine 350 jazýshy, 174 baspa úıi at basyn buryp, 100 myńnan astam kitap oqyrman nazaryna usynyldy. Sonymen qatar kórme aıasynda 43 jazýshymen kezdesý ótti.
Avtory: Aqjigit Chýkýbaev