Anglııada «Tıtanıktiń» shemasy aýktsıonǵa qoıyldy

LONDON. TASS – QazAqparat - Jolaýshylar kemesiniń apatqa ushyraýyn tergeý kezinde paıdalanylǵan «Tıtanıktiń» jospar-shemasy Henry Aldridge & Son aýktsıonyna 200 myń fýnt sterlıngke (250 myń AQSh dollarynan astam) satylymǵa shyǵaryldy. Bul týraly QazAqparat TASS-qa silteme jasap habarlaıdy.

Daily Mail gazetiniń jazýynsha, aýktsıon 22 sáýirde Devızes qalasynda (eldiń ońtústik-batys bóligindegi Ýıltshır okrýgi) ótedi.

Kemeniń barlyq bólmeleriniń qolmen syzylǵan shemasy brıtandyq saýda palatasynyń tapsyrysy boıynsha daıyndaldy. Onda keme apatynyń sebebin anyqtaǵan sarapshylardyń jazbalary saqtalǵan. Aýktsıon úıiniń ókili Endrıý Oldrıdj bul lotty «Tıtanıktiń» qaıǵyly tarıhynyń tarıhı mańyzdy bóligi» dep atady.

Tergeýden keıin qujat Tıtanıktiń ıesi – White Star Linekompanııasyna qaıtaryldy. 2011 jyly jeke kollektsıoner ony 220 myń fýnt sterlıngke satyp aldy. (275 myń dollardan astam). 2012 jyldan beri shema Belfast murajaıyna saqtalyp keldi.

«Tıtanık» óziniń jalǵyz saparyna 1912 jyly 10 sáýirde Anglııanyń Saýtgempton qalasynan attandy. Sáýirdiń 14-inen 15-ine qaraǵan túni ol Soltústik Atlant muhıtynyń sýlarynda aısbergpen soqtyǵysyp, 2 saǵat 40 mınýttan keıin sýǵa batyp ketti. Apat saldarynan 1,5 myńǵa jýyq adam qaza tapty, 712 jolaýshy men ekıpaj múshesi aman qaldy.

Foto: PA MEDIA