Anglııada mıgranttarǵa arnalǵan ortalyqta búlik shyǵyp, nysandar órtendi

LONDON. QazAqparat – Anglııanyń Kent graftyǵynda zańsyz mıgranttardy ornalastyrý ortalyǵyn órtedi degen kúdikke ilingen bes adam ustaldy. Lagerdiń turǵyndary áýeli ashananyń astan-kestenin shyǵaryp, odan keıin ǵımarattardyń birinen órt shyqqan, dep habarlaıdy QazAqparat VVS agenttigine silteme jasap.

Quqyq qorǵaýshylar eldiń ishki ister mınıstrligin mıgranttarmen qatal boldy dep aıyptap otyr. Lagerdiń basshysy Prıtı Patel kerisinshe mıgranttar osy áreketimen brıtandyq salyq tóleýshilerdi shyǵynǵa ushyratty dep málimdedi.

Graftyq polıtsııasy ókiliniń aıtýynsha, tártip saqshylary lager keńsesi ókilderimen birge oqıǵaǵa jaýapty adamdardyń tizimin jasap jatyr.

Buǵan deıin polıtsııada mıgranttar toby shyǵarǵan tártipsizdik kezinde lager ornalasqan burynǵy kazarma ǵımarattarynyń biri qatty búlingenin málimdedi.

Juma kúni tolqý ótken ýaqytsha ustaý ortalyǵy Londonnan ońtústik-shyǵysqa qaraı Folkston qalasyndaǵy eski kazarmalar ǵımaratynda ornalasqan. Qyrkúıek aıynan beri onda pana surap kelgen jáne zańsyz 400-ge jýyq mıgrant turyp jatyr. Olardyń kóbi negizinen Frantsııanyń Kale qalasynan keldi.

Keshke mıgranttardyń bir bóligi ortalyq ashanasynyń tas talqanyn shyǵaryp, kazarma kesheniniń terezelerin syndyrdy. Kúzet qyzmetkerine shabýyl jasalǵany týraly da habarlandy.

Oqıǵa ornyna órt sóndirýshiler men polıtsııa shaqyryldy. Іshki ister mınıstrliginiń esebinde kazarma kesheni ǵımarattarynyń biri joıylǵany týraly aıtylǵan. Abyroı bolǵanda, tártipsizdikter kezinde eshkim zardap shekken joq.

Kent graftyǵy polıtsııasynan habarlanǵandaı, kúzetshige shabýyl jasaýda bir adam, al órttiń shyǵýyna qatysy bar taǵy tórt adam ustaldy. Polıtsııada bul jaǵdaıdy jappaı tártipsizdik dep sanamaıtynyn, biraq órttiń shyǵýyn ádeıi órteý dep tergep jatqanyn atap ótti.