Anglııada koronavırýs vaktsınasynyń toqtatylǵan klınıkalyq synaǵy qaıta jalǵasady

LONDON. QazAqparat – AstraZeneca jáne Oksford ýnıversıteti ázirlep jatqan COVID-19 vaktsınasyn synaý Ulybrıtanııadaǵy patsıentke janama áser etken soń toqtatylǵan edi. Qazirgi tańda bul jumystar qaıta jandandyryldy, dep habarlaıdy QazAqparat BBC-ge silteme jasap.

Seısenbi kúni AstraZeneca synaqtar toqtatyldy dep habarlaǵan bolatyn. Vaktsınanyń Janama áserdiń vaktsınamen baılanysy bar ma, joq pa, anyqtalyp jatyr. Degenmen senbide ýnıversıtet zertteýdi jalǵastyrý qaýipsiz dep sanaýǵa bolady dep málimdedi.

Densaýlyq saqtaý mınıstri Mett Hankok synaqtardy jalǵastyrý týraly jańalyqty quptady.

«Synaqty toqtatýymyz – qashanda qaýipsizdikti bárinen joǵary qoıatynymyzdyń belgisi. Tıimdi vaktsınany múmkindiginshe tezirek jasap shyǵarý úshin ǵalymdarymyzdy barynsha qoldaımyz», – dedi ol.

Ýnıversıtettiń málimdemesinde mundaı iri synaqtarda «keıbir qatysýshylar aýrýy yqtımal dep kútilgen» delingen.

Eske salsaq, buǵan deıin brıtandyq Oksford ýnıversıteti men AstraZeneca jasaǵan koronavırýsqa qarsy vaktsınanyń sońǵy klınıkalyq synaqtary toqtatylǵanyn, vaktsına Ulybrıtanııadaǵy qatysýshylarynyń birine keri áseri bolǵanyn habarlaǵan edik.