Andjelına Djolı Bred Pıtti fızıkalyq zorlyq-zombylyq jasady dep aıyptady

<p>ASTANA. KAZINFORM &ndash; Álemge áıgili amerıkalyq aktrısa Andjelına Djolı burynǵy kúıeýi Bred Pıttke qarsy sotqa jańa shaǵym túsirdi. Bul týraly <a href="https://www.harpersbazaar.com/celebrity/latest/a60410317/angelina-jolie-alleges-brad-pitt-physical-abuse/" target="_blank" rel="noopener">Bazaar</a> basylymy sot materıaldaryna súıene otyryp habarlady.</p>

Aıta keteıik, Djolıdiń advokattary Bred Pıtttiń aktrısa men onyń balalaryna zorlyq-zombylyq kórsetkenin aıtyp, Los-Andjeles Joǵarǵy sotyna qujattardy tapsyrǵan.

Belgili bolǵandaı, 2016 jyldyń qyrkúıeginde Bred Pıtt Frantsııadan Los-Andjeleske qaıtyp kele jatqanda burynǵy áıeli men balalaryn qorlaǵan. The New York Times basylymynyń jazýynsha, Pıtt balalardyń birin tunshyqtyryp, ekinshisin uryp, Djolıdiń basynan ustap, shaıqaǵan. Andjelınanyń osy oqıǵadan keıin ajyrasýǵa aryz bergeni belgili boldy.

Advokattar Pıttiń Djolıge shabýyly osy oqıǵadan biraz buryn bastalǵanyn aıtady.

«Bred istegen isi úshin jaýapkershilikti óz moınyna aldy, biraq ol jasamaǵan isi úshin emes», - dep jaýap berdi Pıttiń advokaty.