ASTANA. KAZINFORM - Elordalyq «Barys» shaıbaly hokkeıden Qazaqstan ulttyq quramasynyń qaqpashysy Andreı Shýtovpen kelisim-shartqa qol qoıdy. Kelisim-shart 2027 jyldyń 31 mamyryna deıin jasalǵan.
Qaqpashy «Barys» júıesinde tórt jyldan astam ýaqyt ótkizdi. Ótken maýsymda ol Qurlyqtyq hokkeı lıgasynyń turaqty chempıonatynda barlyǵy 2000 mınýt muzaıdynǵa shyqty.
Andreı Shýtov 1998 jyly 4 naýryzda Óskemen qalasynda dúnıege kelgen. Qurlyqtyq hokkeı lıgasy turaqty chempıonatynda 39 oıyn ótkizdi. Sondaı-aq ol bıyl Chehııada ótken álem chempıonatynda 6 matchta muzaıdynǵa shyqty.
Bıyl Slovvkııanyń «Slovan»komandasyna aýysyp, onda 15 oıyn ótkizip qaıtty.
«Slovan» Slovakııanyń toǵyz dúrkin chempıony atanǵan. Ulttyq chempıonatta sońǵy ret 2021-2022 jylǵy maýsymda jeńis tuǵyryna kóterilgen.
Eske salsaq, budan buryn qatarynan eki jeńisten keıin «Barys» komandasy «Kýnlýn Red Starǵa» ese jiberdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.