Andreı Lýkın «Aısanam de Luxe - Ýspeh» TQK-niń múshelerimen kezdesti
Eske salsaq, 2016 jylǵy 28 qarashada «Azbýka jılıa» kompanııasynyń laýazymdy tulǵalaryna qatysty qylmystyq is boıynsha sot úkimimen qurylys salýshynyń barlyq aktıvteri zalaldy óndirý esebine turǵyn úı qurylysy kooperatıvterine berildi.
Bul olarǵa «Azbýka jılıa» kompanııasynyń turǵyn úı keshenderiniń qurylysyn aıaqtaýǵa múmkindik berý maqsatynda jasaldy.
Mundaı TK-niń barlyǵy 7. Olardyń árqaısysynda TQK bar.
Biraq «Aısanam de Luxe» TK-de eki TQK qurylǵan - bul «Aısanam de Luxe - Ýspeh» jáne «Aısanam de Luxe - Otaý».
Bul TQK-niń ishinde kelispeýshilikter bar.
«Aısanam de Luxe - Otaý» TQK men basqa 6 TQK-niń ótinishi boıynsha Astana qalasynyń qylmystyq ister jónindegi sot alqasy joǵaryda kórsetilgen sot úkimi sottalǵandardyń jáne «Azbýka jılıa» kompanııasynyń múlikterin «Orda Injınırıng» JShS-niń teńgerimine berý jolymen oryndalýy tıis dep túsindirdi.
Óz kezeginde, 230 ınvestordan quralǵan «Aısanam de Luxe - Ýspeh» TQK osymen kelispeıdi.
Aǵymdaǵy jyldyń 23 qazanynda atalǵan TQK-niń bastamashy toby kezekti ret Bas prokýratýraǵa júgindi. Negizgi talaptarynyń biri «ORDA Injınırıng» JShS-ne múlikti berýdi joıý úshin sot úkimine narazylyq engizý bolyp tabylady.
Alaıda bul ustanymmen 7 TQK-niń quramyna kiretin 2 myńnan astam azamat kelispeıtin bolyp shyqty.
Kórsetilgen 7 TQK-niń ókilderi ózderiniń pikirlerin aǵymdaǵy jyldyń 25 qazanynda Quqyq qorǵaý qyzmetiniń ortalyǵynda ótken baspasóz-konferentsııasynda bildirdi.
Olar turǵyn úı qurylysynyń barysy jáne olarǵa baqylaý jasaý boıynsha qabyldanǵan sharalar týraly aıtty. Olardyń sózinshe narazylyq engizý sany kóp azamattardyń múddelerine nuqsan keltiredi, óıtkeni tek «Aısanam de Luxe» TK-niń qurylysy emes, basqa 6 TK-de toqtaıdy.
Sondyqtan olar Bas prokýratýradan jáne basqa memlekettik organdardan aralaspaýyn jáne «Aısanam de Luxe - Ýspeh» TQK-niń talaptaryn oryndamaýdy surady.
Bas prokýratýra sol bir másele boıynsha qaramaqaıshy ustanymdardy eskere otyryp, óz jaýabynda «Aısanam de Luxe - Ýspeh» TQK-niń bastamashylyq tobyna shoǵyrlandyrylǵan pikirge kelýdi usyndy.
Eger joǵaryda kórsetilgen barlyq TQK ókilderiniń arasynda konsensýs bolmaǵan jaǵdaıda olarda kassatsıalyq tártipte apellıatsııalyq satynyń qaýlysyn qaıta qaraý týraly ótinishpen Joǵarǵy sotqa ózbetinshe júginý quqyǵy bar.