Andreı Lýkın avtorlyq quqyqty qorǵaý salasynda tártip ornatýǵa shaqyrdy

<p>Zııatkerlik menshik quqyqtaryn paıdalanýda ashyqtyqty, tıimdilikti jáne ádildikti arttyrý qajet. Bul týraly Premer-Mınıstr atyna depýtattyq saýal joldaǵan senator Andreı Lýkın aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Eger teatrda, dámhanada, barda, meıramhanada, sport ǵımaratynda, kitaphanada, kásiporynda, qonaqúıde, saýda-oıyn-saýyq keshenderinde, tipti jańa jyldyq shyrsha qoıylymynyń baǵdarlamasynda, olar qaı jerde ótse de, mýzykalyq shyǵarmalar oınatylyp, telebaǵdarlamalar taratylsa, olar osy materıaldardy paıdalanýshylar bolyp sanalady. Osyǵan sáıkes kásipkerler týyndylar men sabaqtas quqyqtar obektilerin kópshilik aldynda oryndaǵany úshin syıaqy tóleýge tıis. Bul mindetteme múliktik quqyqtardy ujymdyq negizde basqaratyn uıymdar úshin syıaqy tóleý shartyn jasasýdy talap etýge negiz beredi», - dedi senator.

Senatordyń aıtýynsha, Qazaqstanda múliktik quqyqtardy ujymdyq negizde basqaratyn osyndaı 14 uıym tirkelgen. Olardyń jyldyq jınaǵy orta eseppen 1,5 mıllıard teńgeden asady. Avtorlyq quqyq ıeleri bul somadan tek 30%-yn ǵana alady.

«Qazaqstan avtorlary qoǵamy» 2022 jyly avtorlarǵa syıaqy túrinde 425 mln teńge jınady, onyń 109 mln teńgesi maqsaty boıynsha tólendi. Osylaısha, bul uıym shamamen 26%-yn tóledi. Bul problema quqyq ıeleri tarapynan múliktik quqyqtardy ujymdyq negizde basqaratyn uıymdardyń qyzmetine naqty baqylaý quraldarynyń joqtyǵyn, onyń ishinde olardyń ıeligindegi qarjy qozǵalysyn baqylaýdyń jetkiliksizdigin aıqyn kórsetedi», - dedi Andreı Lýkın.

Senator osy máselelerdi sheshý úshin quqyq ıeleri men uıymdar arasyndaǵy quqyqtardy basqarý protsesinde ashyqtyqty, tıimdilikti jáne ádildikti arttyrýǵa baǵyttalǵan qatynastar jónindegi usynystardy qaraýdy usyndy.