Bıznesmen Andreı Lavrentev týraly ne bilemiz

<p>Búgin Ónerkásip jáne qurylys mınıstri Qanat Sharlapaev arnaıy baspasóz máslıhatyn ótizip, &laquo;ArselorMıttal Temirtaý&raquo; AQ-ny memleket menshigine qaıtarý kelissózderi aıaqtalǵanyn, jańa ınvestor - otandyq bıznesmen Andreı Lavrentev bolǵanyn málim etken edi. Osyǵan qaraı elimizdegi eń iri óndiris oshaǵyn ıeligine alǵan kásipkerdiń ómir jolyna kóz júgirtken edik, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.&nbsp;</a></p>

1979 jyldyń 29 maýsymynda Almaty qalasynda dúnıege kelgen Andreı Lavrentev úılengen, 6 balasy bar. Joǵary quqyq mektebin «quqyqtaný» mamandyǵy boıynsha bitirgen. Ol «Allıýr» kompanııalar toby» AQ dırektorlar keńesiniń tóraǵasy jáne aktsıoneri. Onyń quramyna «Agromashholdıng» JShS jáne «SaryarqaAvtoProm» JShS kiredi. Top Qazaqstan aýmaǵyndaǵy Chevrolet, Kia, JAC jáne LADA avtobrendteriniń resmı óndirýshisi, dıstrıbıýteri jáne seriktesi sanalady. Astana jáne Almatyda segiz jeke dılerlik ortalyǵy bar. «Agromashholdıng KZ» AQ-nyń 65 paıyzyna ıelik etedi. Armanjan Baıtasovpen birge «Bıznes-FM» radıostansasyn qurǵan. Qostanaı oblysyndaǵy Trıatlon federatsııasynyń prezıdenti, «Ana úıi» jobasynyń, YPO Kazakhstan, IQanat bilim berý jobasynyń qatysýshysy.

Andreı Lavrentev 2012 jyly elimizde CKD qurastyrý ádisimen avtomobıl shyǵaratyn óndiristiń negizin qalady. Bir jyldan keıin dál osy óndiris oshaǵy «Indýstrııalandyrý kóshbasshysy» sanatynda Qazaqstan Prezıdentiniń «Altyn sapa» arnaýly syılyǵyna ıe boldy. Al 2017 jyly ol «Agromashholdıng KZ» AQ aktsıonerine aınaldy. Kásiporyn Belarýstyń «Gomselmash» kompanııasy shyǵaratyn aýyl sharýashylyǵy tehnıkalaryn Qazaqstan aýmaǵynda dıstrıbıýtsııalaýǵa biregeı quqyq aldy. 2020 jyly «Ýzavtosanoat» AQ-pen birge Qazaqstanda amerıkalyq Chevrolet brendti avtomobıl óndirisiniń aktsıonerine aınaldy. Sol jyly «Allıýr» kompanııalar toby» AQ Astanada birinshi Otandyq elektromobılderdiń ulttyq pavılonyn ashyp, Qazaqstanda «jasyl tehnologııalardy» damytýǵa bet burady. 2021 jyly Kia Corporation kompanııasymen birge elimizde Kia brendti avtomobıl qurastyratyn óndiris oshaǵynyń aktsıoneri boldy.

Aıta keteıik, Ónerkásip jáne qurylys mınıstri Qanat Sharlapaev Qazaqstan Úkimeti men «ArselorMıttal» arasyndaǵy kelisimdi mega-mámile dep ataýǵa bolatyndyǵyn aıtqan edi.

«Qazaqstan Úkimeti men «ArselorMıttal» arasyndaǵy kelisimdi mega-mámile dep ataýǵa bolady. Onyń elimiz úshin mańyzy erekshe. «ArselorMıttal Temirtaý» jáne Aqtaý qubyr zaýytynyń qunyn 3,5 mlrd dollardan 286 mln dollarǵa deıin tómendettik. Mámileni júzege asyrýǵa memlekettik bıýdjetten bir de bir teńge jumsalǵan joq. Jańa ınvestor ArcelorMittal bas kompanııasynyń qysqa merzimdi jáne uzaq merzimdi mindettemeleri boıynsha jaýapkershilikti moınyna aldy. 286 mln dollar — bul tolyq jumys istep turǵan eki kásiporynnyń quny», — degen edi mınıstr.