Andreı Kazantsev: Kezekten tys saılaý bılik tranzıtiniń qısyndy túıini

NUR-SULTAN. QazAqparat - Qazaqstan Respýblıkasynyń Prezıdenti Qasym-Jomart Toqaevtyń kezekten tys prezıdentik saılaý ótkizý týraly sheshimi bılik tranzıtiniń qısyndy túıini dep sanaýǵa bolady. Mundaı pikirdi Máskeý memlekettik halyqaralyq qatynastar ınstıtýty Ortalyq Azııa men Aýǵanstan problemasyn zerteý ortalyǵynyń dırektory Andreı Kazantsev bildirdi, dep habarlaıdy QazAqparat tilshisi.

Reseılik sarapshynyń paıymynsha, kezekten tys saılaý bılik partııasynyń nyǵaıýyna múmkinshilik beredi.

«Іshki saıasat turǵysynda ishki turaqtylyqtyń saqtalýy quptala túsedi. Eldiń Tuńǵysh Prezıdenti Nursultan Nazarbaev qol jetkizgen barlyq jetistikter saqtalady. Al ol negizi baǵyttarda, eń aldymen áleýmettik-ekonomıkalyq damý salasynda júrgizgen saıasat jalǵasa beretin bolady», - dedi Andreı Kazantsev.

Onyń atap ótýinshe, Qazaqstan Prezıdentiniń kezekten tys saılaý ótkizý týraly sheshimi syrtqy saıasat salasynda syrtqy oıynshylarǵa Qazaqstannyń óziniń kópvektorly saıası baǵdaryn odan ara jalǵastyra beretindigine kepildik beredi.

Aıta keteıik, keshe Memleket basshysy Qasym-Jomart Toqaev otandyq telearnalar arqyly Qazaqstan halqyna úndeý arnap, onda elimizdiń Konstıtýtsııasyna sáıkes Qazaqstan Respýblıkasy Prezıdentiniń kezekten tys saılaýyn 2019 jyldyń 9 maýsymynda ótkizý týraly sheshim qabyldaǵanyn jarııalaǵan bolatyn.

«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - degen edi Q.Toqaev.

Avtory: Medet Ahmetov