Andreı Chebotarev halyqty ortasha tabys tuzaǵynan qalaı qutqarýǵa bolatynyn aıtty

ASTANA. QazAqparat – Táýelsiz qarjy sarapshysy Andreı Chebotarev Prezıdent Qasym-Jomart Toqaevtyń Úkimettiń keńeıtilgen keńesinde qozǵaǵan ekonomıkalyq bastamalaryna pikir bildirdi, dep habarlaıdy QazAqparat tilshisi.

«Prezıdent aıtqan «Ortasha tabys tuzaǵy» degen ne? Naqty bir adamdy mysalǵa keltirip aıtsaq, tabysyń kedeılikten sál joǵary, biraq odan ary ósýge jol joq degen sóz. Bylaı qarasaq, jaman ómir súrip jatqan joqpyz. Bári bar sııaqty. Biraq osy «ortasha tabys tuzaǵynan» qutyla almaı otyrmyz. Bul tuzaqtan qutylýǵa ekonomıkalyq ósim ǵana jetkiliksiz. Ekonomıkanyń ósimin munaıdyń esebinen qamtamasyz etýge bolady. Mysaly, erteń qandaı da bir oqıǵanyń saldarynan munaı baǵasy barreline 140 dollar bolyp qymbattap shyǵa kelse, bizdegi ekonomıka op-ońaı 6%, 7% ósim kórsetedi. Biraq ol adamdardyń ómirin ózgertpeıdi. «Ortasha tabys tuzaǵynan» qutylý úshin ekonomıkany ártaraptandyrý kerek. ıAǵnı shıkizat eksportyna arqa súıegen ekonomıkadan ketýimiz kerek», - dedi sarapshy.

Eske salsaq, Memleket basshysy keńeıtilgen keńeste Qazaqstan keıingi 10 jylda «ortasha tabystyń tuzaǵyna» tap bolǵanyn aıtqan bolatyn.

Onyń sózinshe, reformalar shynaıy sıpat alyp, saýatty júrgizilse, bul tuzaqtan 6-7 jyldyń ishinde sytylyp shyǵýǵa bolady.

«Bul baǵytta alǵashqy qadam jasadyq ta. Biraq ol qadam mardymsyz bolyp jatyr. Mysaly, pandemııa kezinde Qazaqstannyń qaıta óńdeý salasy el tarıhynda alǵash ret taý-ken óndirisinen kóp ónim berdi. Qazir taý-ken sektory qaıta basymdyqqa shyqty. Biraq ósimi tym baıaý. Damý kórsetkishteri revolıýtsııalyq deńgeıde bolý úshin bizge revolıýtsııalyq qadamdar kerek», - dedi Andreı Chebotarev.

Sondaı-aq, ol el arasynda Úkimettiń elde tıimdi zaýyttar salmaı jatqanyn synaıtyndar kóp ekenin aıtady.

«Úkimet naryqtyq ekonomıka jaǵdaıynda ózdiginen zaýyt ashyp, elektr stansalaryn sala almaıdy. Bul bıznestiń jumysy. Bılik soǵan ashyq «oıyn erejesin» usynýy kerek. Ekinshiden, ınvestor ákelip, kepildik berýi shart. Qazir aýqymdy ınvestıtsııa tartyp jatqanymen revolıýtsııalyq seripilis jasaýǵa jetpeı tur», - deıdi sarapshy.

Andreı Chebotarev elimizde bazalyq mólsherlemeniń 16,75% bolyp turýy bızneske beriletin nesıeniń paıyzdyq mólsherlemesine áser etip otyrǵanyn eske saldy.

«shaǵyn jáne orta bıznes kóbinde ǵımarat pen qoıma jaldap jumys isteıdi. Onda turǵna eshteńe joq, qalypty jaǵdaı. Biraq ıeliginde ondaı múliktiń bolmaýy onyń bankterden nesıe alý múmkindigin tóqmendetedi», - dedi Andreı Chebotarev.