Anasy men balasyn kólikpen qaqqan shymkenttik polıtseı qamaýǵa alyndy

ShYMKENT. QazAqparat – Shymkentte eki jaıaý júrginshini qaqqan polıtsııa qyzmetkeri qamaýǵa alyndy, dep habarlaıdy QazAqparat polisia.kz-ke silteme jasap.

3 tamyz kúni Baıtursynov kóshesiniń boıynda Turan aýdandyq polıtsııa bóliminiń júrgizýshi-polıtseıi jaıaý júrginshiler ótkelinde eki adamdy – anasy men qyzyn qaǵyp ketken bolatyn. Saldarynan ekeýi de túrli jaraqatpen aýrýhanaǵa jetkizildi.

7 tamyz kúni áıel jansaqtaý bóliminde esin jımastan qaıtys boldy.

«Qazir jol-kólik oqıǵasyna qatysty QR Qylmystyq kodeksiniń 345-baby 3-bóligi boıynsha sotqa deıingi tergeý amaldary júrip jatyr.

Sondaı-aq qyzmettik tekserý nátıjesinde tártip saqshysy Іshki ister organdarynan bosatylǵanyn habarlaımyz. Qazir ol ýaqytsha ustaý ızolıatoryna qamaldy.

Qylmystyq is materıaldary aıyptaý aktisimen birge sotqa joldanady.

Aıta keteıik, tergeý barysy polıtsııa departamentiniń bastyǵy Qaırat Dalbekovtiń qatań baqylaýynda», - dedi Shymkent qalasy Polıtsııa departamentiniń aǵa ınspektory Baqdáýlet Ýrazbaev.