#AnashymMaskaTaqtyńyzBa: El jastary jańa chellendj bastady
«Qazirgi jaǵdaıda elý jastan asqan adamdardyń vırýs juqtyrý yqtımaldyǵy joǵary. Ómirge kelgen kúnnen bastap analarymyz bizge ózderiniń meıirimin kórsetýde. Álemdegi eń qymbat adam – ana. Osyndaı qıyn kezeńde biz jaqyndarymyzǵa qoldaý kórsetýimiz kerek. Osyǵan oraı «Jas ulan» biryńǵaı balalar men jasóspirimder uıymy «#AnashymMaskaTaqtyńyzBa» atty respýblıkalyq chellendjdi bastaıdy. Atalmysh chellendjdi «Balapan» arnasyna, belgili bloger Amınka-vıtamınkaǵa, ánshi Erjan Maksımge, egizder Adına men Mádınaǵa jáne barsha jasulandyqtarǵa joldaımyn. Ózińizge jáne jaqyndaryńyzǵa qamqor bolyńyzdar. Maska taǵyńyzdar. Aýyrmańyzdar», dep jazdy «Jas ulan» biryńǵaı balalar men jasóspirimder uıymynyń tóraıymy Sádýaqasova Dınara jelidegi paraqshasynda .
Chellendjge qatysý úshin maska taqqan anańyzben birge túsken sýretti nemese vıdeony áleýmettik jelilerge jarııalyp, #AnashymMaskaTaqtyńyzBa heshtegin qoıý qajet.