Analarymyz besik jyry men ertegini aıtsyn, sonda ǵana sanamyz jańǵyrady - ǵalym Tólenbergenova
"Ulttyq biregeılikti qalaı saqtaýǵa bolady? "El bolamyn deseń, besigińdi túze" deıdi dana xalqymyz. Al sol besikti kim terbetedi? Árıne, ol - ana. Sondyqtan búginde qoǵamdyq sanany jańǵyrtamyz desek, analardyń rólin kúsheıtý kerek. Osy oraıda Til komıteti uıymdastyrǵan konferentsııada Qytaıdan kelgen bir professordyń sózi esimnen ketpeıdi. Ol aıtady, qazaq tilinde 42-aq árip bar, al Qytaıda belsendi ıeroglıfterdiń sany 100 myńnan asady. Sonda qytaılyq otbasyda ana ǵana balasynyń bolashaǵyn oılaıdy eken. Balabaqshaǵa da, eshqaıda jibermeıdi. Kúnde balany sózge úıretedi. Bala bes jasqa kelgende 50 myń ıeroglıfti bilip shyǵady. Biz bolsaq, ádistemeni jóndeımiz, til úırenýdiń jańa júıesin oılap tabamyz. Alaıda óz tilimizde sóılemeımiz. Sondyqtan analar óz balalaryna tildi oqytýdy qolǵa alýy qajet. Ózimiz qalaı óstik? Ájelerdiń ertegisin tyńdap óstik. Olar bizge Alpamys men Qobylandy jyrlaryn, Qorqyttyń ańyzdaryn jatqa aıtyp berýshi edi. Menińshe, rýxanı jańǵyrýdy sodan bastaý qajet. Rýxanı jańǵyrýǵa analar atsalysýy qajet. Besik jyryn aıtsyn, ertegi aıtsyn, sonda ǵana besigimiz túzeledi", - deıdi professor Tólenbergenova.
Aıta keteıik, búgin Qazaqstan xalqy Assambleıasynyń ǵylymı-sarapshylyq keńesiniń músheleri Prezıdenttiń "Bolashaqqa baǵdar: rýxanı jańǵyrý" maqalasyn talqyǵa saldy. Otyrys barysynda qoǵamdyq sanany jańǵyrtý jónindegi ulttyq komıssııanyń múshesi, professor Anatolıı Bashmakov óziniń keıbir usynystaryn ortaǵa saldy.