Analar aıryqsha yqylas tanytty

JARKENT. QazAqparat – Jetisý oblysy Jarkent qalasyndaǵy aýdandyq mádenıet úıinde oblystyq Analar keńesiniń uıymdastyrýymen oblystyq semınar-keńes bolyp ótti, - dep habarlaıdy QazAqparat tilshisi.

Panfılov aýdany ákiminiń orynbasary Qanat Dosmaılov júrgizgen bul basqosýǵa óńirdiń barlyq eldi mekenderindegi Analar keńesiniń ókilderi, qoǵam belsendileri, bilim salasynyń qyzmetkerleri men aýyldyq jáne qalalyq okrýgter ákimdikteriniń jaýapty mamandary shaqyrylǵan bolatyn.

Semınar-keńeste Qazaqstan Respýblıkasynyń Qasym-Jomart Kemeluly Toqaevtyń bıylǵy 1-qyrkúıekte Qazaqstan halqyna arnaǵan «Ádiletti memleket. Birtutas ult. Berekeli qoǵam» atty Joldaýynan týyndaıtyn tapsyrmalardy júzege asyrýda áıelder qaýymynyń da orny orasan zor ekendigi, osy oraıda názik jandardyń belsendiligin arttyra túsý týraly keleli áńgime qozǵaldy. Bul baǵytta Panfılov aýdandyq Analar keńesiniń tóraǵasy Kúlǵaısha Berdiǵulova, Kerbulaq aýdandyq Analar keńesiniń tóraǵasy Ǵalııa Aqbasova. Alakól aýdandyq Analar keńesiniń tóraǵasy Uljalǵas Dúısebaeva, taǵy basqalar ózderiniń oı-pikirlerin ortaǵa saldy.

Semınar-keńesti respýblıkalyq Analar keńesiniń tóraıymy Nazıpa Ydyrysqyzy Shanaı qorytty.

Avtor: Nurádil Begimbet